Ds Lied vo de Bahnhöf Songtext
von Mani Matter

Das isch ds Lied vo de Bahnhöf wo dr Zug
Geng scho abgfahren isch
Oder no nid isch cho
Und es stöh Lüt im Rägemantel dert und tue warte

Und ds Gepäck hei si abgstellt und zwöi
Chind luegen am Outomat
Ob nid doch dert no meh
Usechöm als die Caramel wo si scho hei gässe


Und dr Bahnhofvorstand telefoniert
D′Mütze hanget ar wand
Und im Wartsaal, isch gheizt
Sitzt e ma
Won e Stumpe roucht wo stinkt und list ds Amtsblatt

Mängisch lütet e Gloggen und en Arbeiter
Mit schwarze Händ
Stellt e Weiche, me weis
Nid für was
Dänk für d'Güeterwäge wo vor em Schopf stöh

Und dr Bahnhofvorstand leit d′Mützen a
S'fahrt e Schnällzug verby
Und es luftet no gäng
Waretdäm, dass dr Vorstand scho sy Huet wider abziet

Das isch ds Lied vo de Bahnhöf wo dr Zug
Geng scho abgfahren isch
Oder no nid isch cho