Mich jöck et en d'r Ungerbotz Songtext
von Bläck Fööss

Dä Hein hät e rusa Schweinche am Leinchen
Dä Jupp hät e vierbläderich Kleeblatt am Lenkrad
Dä Henning drät ne blankpolierte Penning en d′r Täsch un waat op cash
Dä Gregor wünsch sich jeden Daach ene schwatze Schornsteinfejer
Do kammer feß draan jläuve, jläuve wie d'r Deuvel
Oder drüvver laache un op e Wunder wade

Mich jöck et en d′r Ungerbotz, ich jläuv hück han ich Jlöck
Denn immer, wenn et schön wor, hät et och jejöck
Mich jöck et en d'r Ungerbotz, dat weed ne schöne Daach
Ming Ungerbotz, die hät mer schon vill Freud un Spaß jebraat


Helene deit nix ohne ne Bleck op de Stääne
De Buure dun de Fleje om Haufe beluure
Et Sofie es em Kaffeesatzlese ne Profi
Et Stina hät en Jlöcksbringerkugel us China

Mich jöck et en d'r Ungerbotz, ich jläuv hück han ich Jlöck
Denn immer, wenn et schön wor, hät et och jejöck
Mich jöck et en d′r Ungerbotz, dat weed ne schöne Daach
Ming Ungerbotz, die hät mer schon vill Freud un Spaß jebraat

Selvs d′r Paps em Himmelbett, dä vum Jläuve Ahnung hät
Hät enen kleinen Talismann, do jläuv hä wirklich draan

Mich jöck et en d'r Ungerbotz, ich jläuv hück han ich Jlöck
Denn immer, wenn et schön wor, hät et och jejöck
Mich jöck et en d′r Ungerbotz, dat weed ne schöne Daach
Ming Ungerbotz, die hät mer schon vill Freud un Spaß jebraat


Mich jöck et en d'r Ungerbotz, ich jläuv hück han ich Jlöck
Denn immer, wenn et schön wor, hät et och jejöck
Mich jöck et en d′r Ungerbotz, dat es enen ärmen Jeck
Dä hückzedaach kein Ungerbotz un nix ze jöcke hät