Dörf's es bitzli meh si? Songtext
von Trio Eugster

Da chaufsch i de Metzg es Pfund Ghackets für zwei
Und d Frau hätt no gseit: "es Halbpfund"
Dänn bringsch doch bimeid fascht es Kilo mit hei
Du weisch doch bim Metzger wies chunnt:
Chum hätt er das Ghackets uf d Waag ane gleit
Dänn weisch au bereits was er seit:

"Ja, dörfs es bitzli meh si?
Dörfs es bitzli meh si?
Dörfs es bitzli, dörfs es bitzli, dörfs es bitzli meh si?
Oder gahts eso?"


Genau wies de Metzger bim Ghacket es seit
So seits au de Milchmaa bim Chäs
Da wird de Tilsiter uf d′Waage angeleit
De Milchmaa seit: "Moll, dä hät s'Mäss!"
Und chaufsch näbedzu echli Obscht oder Gmües
Seit s′Fröilein im Lade ganz süess:

"Ja, dörfs es bitzli meh si?
Dörfs es bitzli meh si?
Dörfs es bitzli, dörfs es bitzli, dörfs es bitzli meh si?
Oder gahts eso?"

Jetzt hämmer e ganz schöni Bschärig dehei:
Zviel Ghackets, zviel Gmües und zvil Chäs!
Und s' Mami isst zvill und de Bappe für zwei
Und d'Chinde sind dick und sind gfräss.
Und schtömer uf d′Waag und de Zeiger spickt ue
Dänn blinzled mer eus amix zue:

"Ja, dörfs es bitzli, dörfs es bitzli, dörfs es bitzli meh si?
Dörfs es bitzli, dörfs es bitzli, dörfs es bitzli meh si?
Dörfs es bitzli, dörfs es bitzli, dörfs es bitzli meh si?
Oder gahts eso?
Oder gahts eso?"