Söll emal cho! Songtext
von Trio Eugster

Äs isch a jedem Monatsänd dä gliichi Meis sit je
Mir stahne da mit leere Händ und nüt im Portmonee
Ich isse nur no Suppe z nacht, ha chuum meh Bier im Huus
Und rüefe wäg em Zahltag alltag us:

(Dä söll emal choo!) Dä söll emal choo!
Gopfridstutz und Schtärnefeufi, nei das gaht doch nöd eso
Dä söll emal choo! (Dä söll emal choo!)
Dä söll emal choo! (Dä söll emal choo!)
Ja Gopfridstutz das gaht doch nöd eso

Dä Heiri Huber wartet scho ä Nacht lang im Spital
Är raucht und raucht und wäri froh de Dokter chäm emal
Und seit ihm "Bravo s isch ä Sohn, d Geburt isch bestens gsi!"
Statt desse hockt är da und dänkt derbi:


(Dä söll emal choo!) Dä söll emal choo!
Gopfridstutz und Schtärnefeufi, nei das gaht doch nöd eso
Dä söll emal choo! (Dä söll emal choo!)
Dä söll emal choo! (Dä söll emal choo!)
Ja Gopfridstutz das gaht doch nöd eso

Im Buechehof hätts geschter z nacht im Hüenerhüüsli brännt
Und wie mer das so meischtens macht, mer isch zum Hörer grännt
"Sie, hallo, äs brännt bi eus, ja händ si s ächt kapiert?"
Und so dä Löschzug us em Näscht bugsiert

(Dä söll emal choo!) Dä söll emal choo!
Gopfridstutz und Schtärnefeufi, nei das gaht doch nöd eso
Dä söll emal choo! (Dä söll emal choo!)
Dä söll emal choo! (Dä söll emal choo!)
Ja Gopfridstutz das gaht doch nöd eso

Äm Guschti Kuhn sin Wiisheitszaa tuet scho sit Wuche weh
Dä seit "Ich muess zum Zahnarzt gah, dä söll en use näh"
Dä Guschti sitzt im Praxisstuhl und süüfzget "Gottseidank!"
Nur leider macht dä cheibe Zaa kein Wank


(Dä söll emal choo!) Dä söll emal choo!
Gopfridstutz und Schtärnefeufi, nei das gaht doch nöd eso
Dä söll emal choo! (Dä söll emal choo!)
Dä söll emal choo! (Dä söll emal choo!)
Ja Gopfridstutz das gaht doch nöd eso