Ds Hippigschpängschtli Songtext
von Peter Reber

Ds Hippigschpängschtli Songtext

Ds Hippigschpängschtli

'S isch z Nacht am zwölfi, dr Wind wäiht düre Schlossgang,
's isch Geischterstund bim letschte Gloggeschlag.
Es chlyses Gschöpfli im ne wyssen Umhang
zybet muetig ds Stägegländer ab.

Ir erschte Kurve wird's scho langsam kritisch,
ir zwöite het's es gruusig usegspickt.
Es schimpft u dänkt, ja das isch wider typisch,
dr Butler, dä Löu, het ds Gländer no geng nid gflickt!


Wär kennt scho d Not vom chlyne Hippigschpängschtli,
es schilet u het Blüemli uf em Chleid.
Wär kennt scho syni Sörgeli u Aengschtli,
däm Gschpängschtli, wo geng alles abverheit!

Grad z Trotz wott itz dä Lyntuech-Blüemli-Stumpe
chopfvoraa dür d Tür vor Mademoiselle.
Im Schlüsselloch, da hanget no dr Lumpe,
düregrütscht isch nume ds Chnochegstell.

Wär kennt scho d Not vom chlyne Hippigschpängschtli …

Doch das bringt ds Gschpängschtli ersch so rächt uf d Socke,
und uf dr Bettstatt brüelet's Mordio!
Doch die im Bett, wo's hätti wölle schocke,
hei statt e Schock e Lachchrampf übercho!

Wär kennt scho d Not vom chlyne Hippigschpängschtli …

Songtext kommentieren

Schreibe den ersten Kommentar!
Diese Website verwendet eigene Cookies und Cookies von Dritten um die Nutzung unseres Angebotes zu analysieren, dein Surferlebnis zu personalisieren und dir interessante Informationen zu präsentieren (Erstellung von Nutzungsprofilen). Wenn du deinen Besuch fortsetzt, stimmst du der Verwendung solcher Cookies zu. Bitte besuche unsere Cookie Bestimmungen um mehr zu erfahren, auch dazu, wie du Cookies deaktivieren und der Bildung von Nutzungsprofilen widersprechen kannst.
OK