See Springe Songtext
von Hecht

Es isch e Summernacht im August
Und s′Bier schmöckt besser als süscht
S'Konzert isch fertig und es tropft
Und es tropft vo de Wänd

Es sind alli am rauche verusse
Es Meer vo Summersprosse
Und d′Lüüt hocked immerno
Uf em warme Asphalt

Häsch gseh, sie isch hüt au wider da
Jetzt gsehn ich dich am Igang stah
S'blau-wisse Chleid passt perfekt

Scho es paarmal gredt, aber nie öpis gseit
Es paarmal versuecht aber z'vill überleit
Ciao säge alles id Umarmig gleit

Aber hüt chunts andersch
Hüt chunts super
Wie′s scho lang müessti sih
Ich laufe locker zu dier ane und stirbe fast debi


Ich wott mit dier in See springe
Nacktschwimme
Die ganzi Nacht Tom Petty singe
Und am Morge chlopf ich dier de Groove uf de Buch
Wott mit dier in See springe Nacktschwimme
Die ganzi Nacht mitenand

Du lachsch und seisch ich seg en Spinner
So wicklet mer dech nöd um de Finger
Und du stigsch ufs Velo
Und fahred los

Händ d′Händ id Luft und hebed ab
Mir flüged über die ganzi Stadt
Und landet mit em Velo
Ufem Floss

Es isch dunkel aber de Mond schiint hell da usse
Hebed d'Füess is Wasser und findet
Es isch wie e kitschigi Filmkulisse

Ich wott mit dier in See springe
Nacktschwimme
Die ganzi Nacht Tom Petty singe
Und am Morge chlopf ich dier de Groove uf de Buch
Wott mit dier in See springe Nacktschwimme
Die ganzi Nacht mitenand


Es isch sone Sach mit de Fantasie
Sie gaht meistens a de Realität verbi
Und ehrlich gseit sind mier nie abghobe
Und gloge isch au, dass mier sind floge

Sie hät zwar gseit, ich seg in Spinner
Aber nachher gsehn ich ihre Mittelfinger
Sie stöich ja zimlich uf de David Guetta
Und wer isch eigentlich de gschissni Tom Petty?

Ich wott mit dier in See springe
Mier müend au kei Lieder singe
Ich wott mit dier in See springe
Nacktschwimme
Mier müend au kei Lieder singe
Und d′Nacht verbringe

Ich wott mit dier in See springe
Nacktschwimme
Die ganzi Nacht Tom Petty singe
Und am Morge lömmer üs wieder gah
Wott mit dier in See springe Nacktschwimme
Die ganzi Nacht mitenand
Die ganzi Nacht mitenand

Es isch e Summernacht im August
Und s'Bier schmöckt besser als süscht
Hüt Abe uf dem warme Asphalt