Uri Songtext
von Hecht

Du und ech da obe uf em Bärg, irgendwo in Uri
d Sonne glüeht bis am Schluss und macht alles zu Gold
finde mir no einisch zäme oder ändet das truurig
die grossi Wiiti bis uf Italie nimmt üse Stolz
Ech vermisse dech, obwohl du grad näbe mir liisch
ech vermisse dech, wenn mini Heimat i s Lääre griift
Säg, glaubsch, glaubsch a die Bärge
glaubsch a üs, dass es wider wird wärde
säg, glaubsch a die Ziit, wo vor üs liit
dass d Liebi, d Liebi üs besiigt – d Liebi üs besiigt
Du und ech da obe uf em Bärg, mir sueched üsi Wildnis
mir sueched das Gfühl vo Euophorie, wo üs zämehebt
wie dä Gletscher det äne hämmer Narbe, die gönd so tüüf
aber usserd üs gid′s uf de ganze Wält nüt, wo mech so hebt
Säg, glaubsch, glaubsch a die Bärge


glaubsch a üs, dass es wider wird wärde
säg, glaubsch a die Ziit, wo vor üs liit
dass d Liebi, d Liebi üs besiigt – dass d Liebi üs besiigt
D Wält gheit us allne Fuege
ech be dini Nöchi am Sueche
ech dänk immer no a üs, ech dänk immer no a üs
D Wält gheit us allne Fuege
ech be dini Nöchi am Sueche
ech dänk immer no a üs, ech dänk immer no a üs
Säg, glaubsch, glaubsch a die Bärge
glaubsch a üs, dass es wider wird wärde
säg, glaubsch a die Ziit, wo vor üs liit
dass d Liebi, d Liebi üs besiigt – d Liebi üs besiigt
glaubsch a die Bärge
glaubsch a üs, dass es wider wird wärde