Songtexte.com Drucklogo

Drachesteije Songtext
von Brings

Drachesteije Songtext

Op dä jroße Wiese, hinger d′r Autobahn
Do loßense Drache steije
Kumm, lor dir dat Spillche ens an

Wä kütt wal am hühkste? Wä hät de längste Schnor?
Opsteech en Karriere, Zällt dat em Leeve nor?

Uns Drache huh am Himmel
He unge du un ich
Jebunge un en Freiheit
Su maach ich dich


Drache, die steije, su huh et jeit
Bes en d'r Himmel, nor wenn d′r Wind jot jeit
Drache, die steije, su huh et jeit
Bes en d'r Himmel, nor wenn d'r Wind jot jeit
Drache, die steije

Mänchmol sin do zwei, die halde sich för kloch
Die binge ehr Drache zesamme un hoffe op ne jode Floch
Doch et jitt och Flaute, un de Winde ston nit jot
Ehr Drache, zesammejebunge, lande beids en d′r Sot

Uns Drache huh am Himmel
He unge du un ich
Jebunge un en Freiheit
Su maach ich dich

Drache, die steije, su huh et jeit
Bes en d′r Himmel, nor wenn d'r Wind jot jeit
Drache, die steije, su huh et jeit
Bes en d′r Himmel, nor wenn d'r Wind jot jeit

Songtext kommentieren

Log dich ein um einen Eintrag zu schreiben.
Schreibe den ersten Kommentar!

Fans

»Drachesteije« gefällt bisher niemandem.