Huusmeister Kaczmarek Songtext
von Bläck Fööss

Jo, wenn d′r Aufzoch klemmp
Un de Mülltonn' brennt
Un em janze Huus et Leech usfällt
Es em drette Stock d′r Klo verstopp
Alles weed bei mir jemeld'
Och wenn Waserrühre lecke
Dun se mich och Naaks für wecke
Dat es minge Job
Dreck en d'r Eck′
Un ′ne Fleck an d'r Deck
Sidder dann jeck, wem es dä Dreck?
Muss weg!

Hey Kaczmarek - Jo jo
Hey Kaczmarek - Ben schon do
Hey Kaczmarek - Wat es loss?
Hey Kaczmarek - Ich kumme!


Huusmeister - Siedlungskontrolletti
Huusmeister - Alles fess em Griff
Huusmeister - Alles schön paletti
Huusmeister Kaczmarek - Met d′r Werkzeuchkess

Decke Schruve, dönne Schruve
Dübbele für enzemuure
Säjeblädder, Winkelieser
Bohrmaschine, Schliefmaschine
Röllche für Jadingeschiene
Ratschekaste, Pinselquaste
Alles in d'r Werkzeuchkess
Et jitt immer jet ze säje
Jet ze bohre oder fräse
Lieme, näle oder Klingeldroht verläje
Dachantenne amputiere, installiere
Stromzählerkaste kontrolliere

Hey Kaczmarek - Wat läuf?
Hey Kaczmarek - Kein Zick!
Hey Kaczmarek - Ich muß weg!
Hey Kaczmarek - Manana!


Huusmeister - Siedlungskontrolletti
Huusmeister - Alles fess em Griff
Huusmeister - Alles schön paletti
Huusmeister Kaczmarek - Met d′r Werkzeuchkess

Ja, Sauerei, wä mät he Fesch?
Et stink he em Huus wie en Feschbrotköch
Ach, Frau Kraus, maat Ihr hück Fesch?
Ja jot, dann setz ich mich met an d'r Desch
Un loren dann, wenn ich noch kann
Wie immer ens flöck noh d′r Badewann'
Ich dun, wat ich kann, ston immer minge Mann

Huusmeister - Siedlungskontrolletti
Huusmeister - Alles fess em Griff
Huusmeister - Alles schön paletti
Huusmeister Kaczmarek - Met d'r Werkzeuchkess

Hammer keine Hammer
Jo wo hammer en dann
Hammer keine Hammer
Jo dann nemme mer de Zang
Hammer keine Hammer
Un finge mer kein Zang
Jo, dann nemme mer su lang de lesestang
Hibbe di Hipp Hipp, de Hibbe di Hopp
Do haue mer de Näl met d′r Stang op d′r Kopp
Hobbe di Hopp Hopp di Hobbe di Hipp
Decke Schruve, dönne Schruve, Finsterkitt

Huusmeister - Siedlungskontrolletti
Huusmeister - Alles fess em Griff
Huusmeister - Alles schön paletti
Huusmeister Kaczmarek - Met d'r Werkzeuchkess