Summerlied Songtext
von Tinu Heiniger

Mir fahre parallel zur Outobahn im Intercity
Mit hundertzwänzg gäg Züri zue
U itze chunnt a wity u grüeni Mattä
Hinger, det dä Hoger het no Schnee
"Für mi äs Chäs-Sandwich u äs Henniez"

D Frou vis à vis vo mier verzeut vom Ma
Wo mit era andre geit
Vor Tochter wo Problem mit Droge heig
U seit dass niermer se versteiht
I lose nid, cha luäge dussä d Wäut
D Wäuder, d Au, das Grüen dä Saft
I däichä mou, det hie det isch no Hoffnig det isch no Chraft
I säge lut: Momou, solang no däwä Grüen zum Bodä use chunnt"!
U si meint nume: "Meinät dier im Ärnscht dä Bodä sig no gsunn"?

Itz uf äm Fäud, ä Buur bim Huus äua, si Frou, äs Chind, ä Hunn
U nähr uf zmau dä gruusig Chüeuturm, itz we där Summer chunnt


"Meine Damen und Herren, wir treffen in Zürich ein"
"Mesdames et Messieurs, nous arrivons à Zurich"
Gseh dinn: Äs stimmt
D Frou vis à vis seit: "Wüsst dr, mängisch wirds mär zviu
I ma fasch nümm, was söus" - I sägä nüt
"I luega d Sunnä a wi si im Hüsermeer versinkt" - I luägä stiu
"So, u itz wott i chli gä schmöckä a dr Stadt" - "Si stinkt"

Dr Zug steit i däm Sackbahnhof uf ämäne Stumpägleis
U mängä meint villich, är sig am Ziu vo sirä Reis
U mängä isch villäch verzwiflät, wiu är meint, är heig ä keis
U äs het o jedä Reiz sis Ziu, oh wen ärs gar nid weiss
U villäch geit di Reis o gar nümm
U villäch blibti sogar nümme so viu Zyt
U jedä Stärn isch villäch gly mau nümm bewohnt
U villäch bliibä, bliibä, bliibä, bliibä
Bliibä mier no mau ä chly verschont
U villächt näh mer üs o z′wichtig u machä aus so schwär
Uf auf Fäu ig, i ha no Hoffnig - i weiss nid wohär
Lue d Sunnä lüchtät gäng no gäu, nei, sogar rot
U mir, nir läbä no, u gly scho si mär aui tot