Am See Songtext
von Tinu Heiniger

I ha no nie, no nie nüt schöners gseh
Als d′Sunne, wo dert guldig ungergeit
E Frou, wo sich jetz läng i ds Wasser leit
U useschwümmt mit länge Züg i See
U useschwümmt mit länge Züg i See

Wyt hinger fahrt es Sägelboot verby
Der Abeluft macht no ne letschte, töife Schnuuf
Stricht mir dür ds Haar u blaset d'Sägel uuf
Der See ligt still, vom Boot us gumpet eine dry
Der See ligt still, vom Boot us gumpet eine dry


Ke Mönsch süsch ume wyt und breit
Du schwümmsch am Bärg zue, änedra
I stah im Wasser u i gseh di ga
Gseh, wie de schwümmsch u touchsch u wie der See di treit
Gseh, wie de schwümmsch u touchsch u wie der See di treit

I luege d′Sunne, ds Füür, wo rot im See versinkt
U gseh der Mond, wo hinger em Bärg ufgeit
Vom Bärg der Schatte, wo sich uf di leit
Wit ussä ä Frou wo lachet rüeft u winkt

I ha no nie, no nie, nüt schöners gseh
I ha no nie, no nie, nüt schöners gseh