Hesch du mi gärn Songtext
von Tinu Heiniger

Hesch du mi gärn
Oder spiusch mit mir es Spiu?
Säg, wosch würklech wüsse, wär i zunderscht unde bi
Oder wird′s dir när gli mau z viu

Weisch, i kenne di Spieli, ig ha se ou scho gschpiut
U i weiss ou, dass i so nüm spile mag
I fänds guet, du chönntisch uf mi zeue
U i chönnt mi uf di verlaah

Säg, verschteischs ächt
Dass i ou elei mues chönne si?
Oder fragsch när, wenn i mi bi ga verschtecke
Fragsch mi när wo ni sig gsi?


Nimmsch mi so, wie ni bi oder machsch der es Biud
Vo mir, wied mi wetsch ha?
Ja, ou du muesch hie di eiget Bode ha
Wotsch uf mim staah, laa di gaa

Ig bi eigesinnig wie ne Chatz, ig bi feig wie ne Hund
Ig ha viu grännet, viu glachet, viu blagiert
Ig bi verhasst, i bi beliebt, me pfiift mi us, mer apploudiert
U s git hier nüt, wo mer gross hät imponiert

Ja, i weiss, mir spinnts mängisch im Gring
Vilich chasch mi glich verschtah
Hüt chumi zue der, ha di gärn, die ganzi Nacht
U bi vilich ou morn no da

U wet när ir Chuchi früsche Café machsch
De ghörsch mi gränne näbe dra
Wotsch mer aues gä u wotsch aues vo mer ha
Chani mi bi dir la gaa?


Nimmsch mi so, wie ni bi oder machsch der es Biud
Vo mir, wied mi wetsch ha?
Ja, ou du muesch hie di eiget Bode ha
Wotsch uf mim stah, laa di gaa