So verdorbe Songtext
von Stiller Has

Der schnee isch scho lang gschmolze
Heiligabig isch verbie
Brochni härze offni fänschter
I mim adväntskaländerli

Chaputts schpielzüüg liegt desume
Der tanneboum isch abebrönnt
Duss im garte isch scho summer
I bi so müed i chönnt der ganz tag penne

Herti zimmetstärne z′grossi socke
I bi es halbs jahr bliebe hocke

So mängs chrischtkind isch uf d'wält cho
Isch verhungered u gschtorbe
Grittibänze lääri fläsche
Schmutzli schlah mi i bi so verdorbe

I ha der samichlous erschosse
Dä siech het wiehnachtsliedli gsunge
Ha ne als oschterhas maskiert
är het keni eier brunge


Oh tanneboum oh tanneboum
Wieviel brätter muess i ha
Wie vieli nadle wie mänge fade
Wie oft ufe wie oft abe
Wie viel schnee muess uf mi gheie
Wieviel zäpfe a mir hange
Dass i nümm mues länger warte
Unter dere nordmanntanne

Zwar liegt der zeiger i der kurve
Aber d′zyt isch bliebe stah
Wär nid sündiget darf strafe
Wär gäng wach isch cha nid schlafe

Wachs am teppich schwarzi löffle
Es einsams parfum liegt am tisch
U nes vergässnigs wiehnachtsvärsli
Wo o liegebliebe isch

Oh tanneboum oh tanneboum...

Zyt zum flüüge es isch summer
I ha d'schwümmflügeli montiert
Und i tröchne mini fädere
I toue uf u stürze töif
Wiehnachtsgutzi wulläsocke
I bi äs halbs jahr bliebe hocke
In zenmässiger vertöifig
I toue uf und wirde läufig

I bi so verdorbe...