Immer wigger Songtext
von Bläck Fööss

Immer wigger Songtext

Immer wigger, immer wigger,
unser Krütz weed immer brigger,
immer wigger, immer wigger,
immer wigger drop.

Immer schneller, immer schneller,
denn söns jeit et en der Keller.
Immer schneller, immer schneller,
bes et nit mih jeit.

Alles ahl Kamelle,
wat uns die Bröder su verzälle,
do kann doch jede Jeck dran föhle,
dat do jet fuul dran es.
Loss die Seiverlappe
Doch ens ihr Rechnung selvs berappe,
wenn se noch wigger an uns zappe,
dann es dat Faß bahl leer.


Immer laache, immer laache,
denk: Däu mir doch der Naache.
Immer laache, immer laache,
laache es jesund.

Refr. Drieß op dä Dress,
wä weiß, wie alt mir wäde,
bliev wie de bes
un loß dich nit versäje.
Drieß op dä Dress,
anstatt dich opzeräje,
bliev wie de bes,
domet du nit am Eng vum Leed dä Esel bes.

Immer böcke, immer böcke,
bes de nur noch läufs op Kröcke.
Immer böcke, immer böcke,
brav di Levve lang.

Immer kruffe, immer kruffe,
brängk dich irjendwann ant suffe,
immer kruffe, immer kruffe,
hält kei Minsch lang us.

Alles ahl Kamelle,
wat uns die Bröder su verzälle,
do kann doch jede Jeck dran föhle,
dat do jet fuul dran es.
Loss die Seiverlappe
Doch ens ihr Rechnung selvs berappe,
wenn se noch wigger an uns zappe,
dann es dat Faß bahl leer.

Immer denke, immer denke,
Chef bestemmp, doch Jott deit lenke.
Immer denke, immer denke,
ohne dich läuf nix.

Refr. Drieß op dä Dress

Songtext kommentieren

Schreibe den ersten Kommentar!
Diese Website verwendet eigene Cookies und Cookies von Dritten um die Nutzung unseres Angebotes zu analysieren, dein Surferlebnis zu personalisieren und dir interessante Informationen zu präsentieren (Erstellung von Nutzungsprofilen). Wenn du deinen Besuch fortsetzt, stimmst du der Verwendung solcher Cookies zu. Bitte besuche unsere Cookie Bestimmungen um mehr zu erfahren, auch dazu, wie du Cookies deaktivieren und der Bildung von Nutzungsprofilen widersprechen kannst.
OK