Amerika git's nid Songtext
von Züri West

Amerika git's nid Songtext

das isch d'gschicht vom colombo
nid vo däm us dr serie
vo eim wo irgendeinisch z'spanie het gläbt
u geng echli dr depp isch gsii
u nüt het chönne
u immer komischs züg verzeut het
u sech nüt drbii het dänkt
bis ihm einisch eine gseit het: du muesch irgendöppis wärede
du muesch öppis us dr mache
di nimmt doch niemer ärnscht eso
u die meischte lüt hie lachen über di
was ch me de so wärde
het'r gfragt - was bisch de du
i bin e seemaa - het dr anger gseit
i fahre mit mim schiff use uf ds meer
u chume viu ir wäutschicht ume
das tönt sehr intressant - das gfieu mr o
het dr colombo gseit - i wirden e berüehmte seemaa


u är het's aune lüt verzeut
u aui lüt hei afa lache
u är het gseit: dir wärdet's gseh
u d'lüt heit gseit: du verzeusch sache
u är isch häsig worde
u d'lüt si vor lache fasch verreckt
u är het d'schtadt verla
u het sech irgendwo im waud versteckt
dert isch'r 13 wuche blibe - 13 wuche i de büsch
u d'lüt hei gsuecht u hei sech gschämt
u niemer het gwüsst won'r isch
u niemer het meh glacht won'r am ne schöne morge wieder da isch gsii
hei aui fröi gha
u won'r gseit het: bittesehr
i han es nöis land entdeckt
es ligt dert irgendwo im meer
hei aui fröid gha
u si nätt gsii
u hei äxtra ganz furchtbar ärnschti gsichter gmacht

nume dr seemaa us dr erschte schtrofe
amerigo vespucci isch si name
isch zuefäuig i dr schtadt gsii
u het gseit: schön für di aber i gloube dr's nume wenn i's säuber gseh ha
u är het sech glii druf uf e wäg gmacht
u genau nach 13 wuche um ne tag u eire nacht isch'r ändlech wieder zrügg gsii
u d'lüt si au zum hafe abe
u dr colombo isch nävmös worde u haub chrank wüu'r het gloge
u är het fürchterlichi angscht gha
u isch bleich gsii
u het nimerem i d'ouge gluegt

aber dr vespucci het glachet u isch vor d'lüt häregschtande
u het em colombo zuezwingeret u grüefft är heigi's gfunde
u dr colombe het fröid gha dass'r ne nid het verpfiffe
u het amerigo amgerigo grüeft u d'lüt ehi au oafa rüefe
u dr colombo isch berüehmt worde u bis a dsändi vo sine tage
isch'r nie so richtig sicher gsii u het sech nie drfür gha z'frage
öb's amerika würklech git
wüu mit dr ziit si geng meh lüt derthäregange u wieder zrüggcho
u hei verzeut u no bis hüt verzeue immer aui ds gliiche
u niemer weiss eigentlech meh aus das won'r vorhär scho het gwüsst
u aui hei geng ds gliiche gseh
u das tönt doch irgendwie verdächtig
u schmöckt irgendwie nach drääibuech u nach hollywood

Songtext kommentieren

Schreibe den ersten Kommentar!
Diese Website verwendet eigene Cookies und Cookies von Dritten um die Nutzung unseres Angebotes zu analysieren, dein Surferlebnis zu personalisieren und dir interessante Informationen zu präsentieren (Erstellung von Nutzungsprofilen). Wenn du deinen Besuch fortsetzt, stimmst du der Verwendung solcher Cookies zu. Bitte besuche unsere Cookie Bestimmungen um mehr zu erfahren, auch dazu, wie du Cookies deaktivieren und der Bildung von Nutzungsprofilen widersprechen kannst.
OK