Göteborg Songtext
von Züri West

I rusche grad hie im Chare am Grauholz verbi
Richtig Züri Flughafe, uf der Outobahn
Mi Schatz und mi Chlini chöme Hei vo Göteborg
Und i muess jetz Die gah abhole und i bi viel z′spät dran
Und plötzlich ghöre i es Schlagzüg und e Bass louft i mim Chopf

Es paar Akörd und e Melodie und nume es Fragmänt
Aber es tönt verdächtig wie e nöie Song, wo grad wot cho achlopfe
Z'Mitts uf der Überholspur, e sehr guete Momänt
Und jetz faht′s ihm afa dichte und jetz hört er nümme uf
E Strophe, Refrain, ziemlig guet, aber wie söll das gah im Chare?
I cha mir jetz das nid ufschribe und bis i Dert bi, han i Das vergässe

Wie söu i Das jetz mache hie?
Gsehsch nid, i muess fahre


Gang doch zum Hueber
Dä isch viellich froh für ne Idee oder gang zum Hofer
Däm isch längwilig am Thunersee, oder gang doch zum Heiniger
O Dä brucht viellich Mal e Hit
Eifach zu mir muesch jetz nid cho, nenenei, i ha ke Zyt

Gang doch zum Hueber, Dä isch froh für ne Idee
Oder gang zum Hofer, Däm isch's längwilig am Thunersee
Oder gang zum Heiniger, Dä brucht ja viellich Mal e Hit
Eifach zu mir muesch jetz nid cho, i ha ke Zyt

Gang doch zum Flückiger, Dä würd Di äuä o no näh
Oder gang bim Halter verbi, Dä het mir o Mal Eine gäh
Oder gang zum Schmidhuser gah schtürme
Dä wohnt gloub o nid wit
Eifach zu mir muesch jetz nid cho, i ha ke Zyt
I ha ke Zyt für di

I rusche grad hie im Chare am Grauholz verbi
Richtig Züri Flughafe, uf der Outobahn
Mi Schatz und mi Chlini chöme Hei vo Göteborg
Und i muess jetz Die gah abhole und i bi viel z'spät dran