Tarantella sincera Songtext
von Vincenzo De Crescenzo

Chistu core che è sincero va truvanno ′nu paraggio,
Va truvanno ammore overo pe' puterse dichiarà,
′Na figliola ca sapesse fà 'a cazetta sulamente
E ll'ammore po′ ll′avesse canusciuto 'nmano a me!

Ma stu munno, ma stu munno quant′è tunno,
Sano sano, sano sano aggio girato,
Sott' e ′ncopp',
Prora e a poppa,
Maje nisciuno, maje nisciuno aggio truvato!

Sulo tu, sulo tu, Nannì Nannì,
Pare chella, pare chella ch′ dic'i',
Sulo tu, Nannì Nannì,
Pare chella, pare chella ch′ dic′i'!

′Na figliola retirata ch' nun sape ched è ′a moda,
Ca nun porta 'na mappata ′e capille 'e chi sa chi
E nun porta veste strette pe' ffà specchio a ′e cannarute,
Voglio a una ca se mette dint"a casa a ffà ′o rraù!


Ma stu munno, ma stu munno quant'è tunno,
Sano sano, sano sano aggio girato,
Sott′ e 'ncopp′,
Prora e a poppa,
Maje nisciuno, maje nisciuno aggio truvato!

Mo' ch′ vuò, mo' ch' vuò, Nannì Nannì,
Pare chella, pare chella ch′ dic′i',
Sulo tu, Nannì Nannì,
Pare chella, pare chella ch′ dic'i′!

Sulo tu p"a sora mia pare 'a femmena adattata,
Chesta vita putarria finalmente cunsulà,
Quanno dice ch′ha truvato, chistu core nun si sbaglia,
Doppo n'ata, n'ata e n′ata, sape ′a femmena ched è!

E stu munno e stu munno quant'è è tunno,
Sano sano, sano sano aggio girato,
Sott′ e 'ncopp′,
Prora e a poppa,
Maje nisciuno, maje nisciuno aggio truvato!

E me trovo e me trovo e te lo di'
Ch′ sì chella, ch' sì chella ch' dic′i′,
E me trovo a te Nannì
Ch' sì chella, ch′ sì chella che dic'i′!