Gäge d'Bärge Songtext
von Stiller Has

Eine singt über ne abgstürzte alpeflug
u eine singt vo sym coifför
es het emal eine gäge ample aagsunge
dä singt scho lang nümm meh
s git lieder über blondi chind
es git lieder über tschäggeti chüe
s git lieder über casablanca
s git lieder über lützelflüe
u eine singt gärn über bärn
will bärn het er gärn u bärn u bärn u bärn
s git tuusigi wo nid chöi singe
aber si singe gliich

gäge d bärge, gäge d bärge
gäge d bärge, gäge d bärge
singeni aa
die tüe nume umestaa


eine wott nach memphis, tennessee
der ander wott eifach nümm ufe hoger
es git e huufe lüt wo überhoupt nie z bärn sy gsy
aber die hei ou gar nid nach bärn wölle choo
eine tuet als ob er gar nüt wett
s sy immer die, über die me gar nid redt
eine wett, es wär wien är′s gärn hätt
u eim längt es happy happy bett
i wott niene häre, i wott o nüt ha
i cha nume eis nid ha
u gäg das kämpfeni aa

gäge d bärge...

eine tröimt, är wär bi dir dy maa im boot
u eine tröimt, är zieht no mal sys grosse los
s git eine, dä tröimt, är syg sys läbe lang scho tot
u öpper tröimt sicher o vo bärn
eine tröimt, dass är en aff im urwald syg
schlächt tröimt me, we eim im troum die wält um d ohre flügt
aber es isch ja nume es chlyses tröimli gsii
u tröimli göh ja doch so schnäll verbii
s git schöni tröim, die wärde plötzlech wahr
u we si wahr sy, när sy si furchtbar
i ha nume ei troum, dä macht mer angst und bang
quasi jedi nacht gsehn i der bärner alpekamm

gäge d bärge...

am morge bärge, am mittag bärge, am abe bärge
eiger, mönch u jungfrou
i cha se nümm ha