Orion Songtext
von Steff la Cheffe

U mir flüge
U mir flüge wider
U mir flüge
U mir flüge wider
U mir flüge
U mir flüge wider höch

Okay, i bi wider zrügg uf Start
Füehlt sech fasch chli wi früecher ah
Füehlt sech fasch chli wi Früehlig ah
Aues vou Blüete, verblüete fasch

Frage mi was mi glücklech macht
Fouge dem wo mis Füür entfacht
Und oh we z Auter mi zynisch macht
Ha i geng no Freud a de chline Sache

Umbruch oder Übergang?
Unmuet oder drüberstah?
Usflucht oder füregah?
Ufbruch oder überlah?
Todtruurig uf Brügge stah?


Mini Wau isch e dünne Grat
Lege d Krücke ab, nime z Stüür id Hang
I bi e Fauke im′ne Hüehnerstau
Wenn i d Flügu spann' git′s es Dürenang

Es tuet mir leid dass i immer no nid gschribe ha
I bi hie dehei u villech blib' i oh für immer da
I ha mis Härz drbi
I ha mis Härz bi mir
La mi la gheie, luege loufend wo's mi häretrybt

U mir flüge
U mir flüge wider
U mir flüge
U mir flüge wider
U mir flüge
U mir flüge wider nöch a d Sunne
Flüge nöch a d Sunne

Fasziniert vorem Abgrund
Was passiert bim′ne Absprung?
Was isch hinger dere Schaumuur?
Warnschiuder säge "Achtung"


Bi no lang nid fertig
Hinger jedem Egge wird′s no chli besser, wette?
Wahnsinnig neugierig
Wahrschinlech liechtsinnig

Masslos unersättlech
I can get no satisfaction
Haus über Chopf, git e Knick im Äcke
Härz übersäit mit blinde Fläcke

Immer wenn i mire Nase foug'
Wenn i wider Hunger ha
Land′ i i däm Hasebou
Bi i wider i däm Wunderland

D Stärne forme Polygon
Über mir dr Orion
D Ärde es Sandchorn
Schwäbende Traktor
Nime e Handvou
Trybe im Kosmos
Schwigende Logos
D Zyt isch nümm Chronos

U mir flüge
U mir flüge wider
U mir flüge
U mir flüge wider
U mir flüge
U mir flüge wider nöch a d Sunne
Flüge nöch a d Sunne

Es tuet mir leid
I bi hie dehei
I ha mis Härz drbi
I ha mis Härz bi mir
La mi la gheie, luege loufend wo's mi häretrybt

U mir flüge
U mir flüge wider
U mir flüge
U mir flüge wider
U mir flüge
U mir flüge wider nöch a d Sunne
Flüge nöch a d Sunne

U mir flüge
U mir flüge wider
U mir flüge
U mir flüge wider
U mir flüge
U mir flüge wider Härze zue
Flüge Härze zue