Raps und Rübsen Songtext
von Sigi Maron

95, es war g′rad Summer
Is dem Raps a Gen auskumma
Jö g'freit si a Schachtlhalm
Des hab i scho immer wolln
Wäu eam jetzt des stärkste Gift
Nimmer an da Wurzl trifft
Des Gras in seiner Nachbarschaft
Hot zum Gen g′sagt "Gib mir Kraft
Mach mi wia den Raps so fett
Daunn leg i mi ins Blumenbett"
Des Unkraut is in Himmel g'wachsen
N'Huberbauern seine Ochsen Hab′n davon a bissl g′fressen
Schon san se zwa Nilpferd g'wesen
Der Klee der wird manipuliert
Damit er wi a Palme wird
In Wahrheit hat er nur a Ziel
In die Hofburg zum Kle-stil
Der verteidigt seinen Ruf
"Meine Hofburg is kein Puff
Familie und Fahneneid
Sind Werte für die Ewigkeit"
Wieder schafft des Gen die Flucht
Und landet in der Datenschlucht

Raps und rübsen, Kraut und Ruabn
Herzinfarkt und Lungenwurm
Ich mach oide Krüppl schön
Du bist Tarzan, ich dein Gen


Irgendwaunn kommt diese Kraft
Zur Raiffeisen GEN-ossenschaft
Und jetzt geht′s erst richtig los
Gens manipulierns uns wos
Faung ma aun mit da Bilanz
Do betriag'n ma de Finanz
Aus′m Oasch vom Pavian
Entwickel ma den Rinderwahn
Den schick ma da Konkurrenz
Und zerstör'n ihr Existenz
Bauern de si net beschwer′n
Denen braucht ma nix erklär'n
De g'hören ausg′saugt bis aufs Bluat
Des tuat unser′n Konten guat

Raps und rübsen, Kraut und Ruabn
Herzinfarkt und Lungenwurm
Ich mach oide Krüppl schön
Du bist Tarzan, ich dein Gen

Des Gen wü, dass was weitergeht
Und haut si in des Internet
Aum Highway trifft es an Atari
An Macintosh und an Ferrari
Aus de drei macht's an Computer
Der frisst statt′m Strom nur Butter
Er kaunn rechnen, schreiben und lesen
Wird verwend't als Häuselbesen
S′Gen hat kan GEN-ierer mehr
Geht nackat bad'n ins Mittelmeer
Mocht aus an Wal an Tintenfisch
Obwohl er oid is schmeckt er frisch
Bei Gibraltar schaut′s Gen ums Eck
Fliagt ins Ozonloch und is weg

Raps und rübsen, Kraut und Ruabn
Herzinfarkt und Lungenwurm
Ich mach oide Krüppl schön
Du bist Tarzan, ich dein Gen

Gen