Ballade von ana hoatn Wochn Songtext
von Sigi Maron

Vom G′richt
Is a Briaf kumman
Do steht drin
Dass da Vota
Von meina Frau
Der si no nie
Um sie kümmat hot
Seits auf da Wöd is
Vom Erbe
Was uns da Opapa
Hintalossn hot
Sein Pflichtteil hobn wü
Dabei hot a
Gaunz vagessn
Dass'n sei Vota
Also wos da Opapa is
Von meina Frau
Scho dreimal enterbt hot
Nau mir reißt
Auf jedn Fall da Fodn


Und i ruaf eam aun
Is sei Oite am Aparrat
Die wos a amoi im Hefn
Kennagleant hot, und sogt
Schaun Sie
Der liebe Herr
Schwiegerpapa
Is für Sie
Net zu sprechen
Sog i: Mocht nix
I muass eh net unbedingt
Söwa mit eam redn
Oba sans so liab
Und richtns eam wos aus
Sogt die Oite drauf
Na oba gern
Was darfs denn sein
Hob i gsogt
Sagns ihm bitte
An schönen Gruß
Von sein′m Schwiegersohn
Und er is die
Allergreßte Drecksau
Von ganz Kottingbrunn
Und Umgebung
Ein sogenanntes
Siebenmotoriges
Warzenschwein
Auf des hinauf
Hot ma da saubare
Herr Schwiegerpapa
Von sein Rechtsanwalt
So an schmierigen
Pinkel-Advokaten
An Briaf schreiben lossn
Do is dringstaundn
Ich soll mein äußerst
Ungehöriges Betragen
Sofort aufgeben
Andernfalls werden
Sie mich verklagen
Hob i ma denkt
Burli
Weu mei Mama
Hot früha imma
Burli zu mir gsogt
Heit haßt da
Kanarienvogel so
Burli
Hob i ma denkt
Schreibn kaunnst a
Hob mei Schreibmaschin
Vierazaht
Hob zwa Blattln
Papier eingspannt
Und a Kohlepapier
Dazwischen
Wengan Durchschlag
Hob mi hingsetzt
Und hob gschriebn
Lieber Herr Schwiegerpapa
Lieber Herr Rechtsverdreher

Leckts mi am Oasch
Leckts mi am Oasch
Leckts mi am Oasch
Aber bekanntlich
Is des die Ballade
Von ana hoatn Wochn
Drum is a no net aus

Also hab ich
In dieser Wochn
Des zweifelhafte
Vergnügen g'hobt
Mit dem Herrn
Von Wohnungsamt
Zu redn
Wegn an Lift
Oda ana
Schiefen Ebene
Für mei Wohnung
Weu i durt
Siebn Stufn hob
Und ma mit'm Wagl
Bekanntlich net
Aufe fliagn kaunn
Hot a zu mia gsogt
Schaun Sie
Lieber Herr
Für an Lift
Hot unsa
Oasch-Gemeinde
Ka Geld
Und eine
Schiefe Ebene
Des is afoch
Net drin
Weil diese stört den
Architektonischen
Gesamteindruck
Und überhaupt
Waunn ihna
Wos net passt
Kennans jo wieda
Zruck in ihna
Oite Wohnung
Mit die vierzg
Quadratmeter
Scheißheisl
Übern Hof
Und bodn
Homs ihna
A net kenna
Oba mocht nix
Weu des Bod
Des hätt jetz
Sowieso scho a Haut
Hob i gsogt
Mein lieber Herr
Jetzt kriegen sie moi
Einen klassischen
Gesamteindruck von mir
Und i bitt sie
Vagessns net
Dazöhn sas auch
Dem Herrn
Bürgermeister
Und dem Herrn
Rechnungsdirektor
Und dem Herrn
Stadtamtsdirektor
Und allen Beamten
Vom Amtsrat aufwärts

Leckts mi am Oasch
Leckts mi am Oasch
Leckts mi am Oasch
Aba bekanntlich
Is des die Ballade
Von ana hoatn Wochn
Drum is des Liad
No imma net aus

In dieser
Ereignisreichen Wochn
Hab ich das zweifelhofte
Vergnügen g′habt
In einer Galerie zu spielen
Als Aufputz
Oda dass sie die Büdln
Die wos durt
An da Waund ghängt san
Net so alan vuakumman
Na i kumm hin
Zu dieser sogenannten
Vernischaß
San lauter
So komische Leit durt
In dunklen Anzügen
Weißen Hemden
Und dunklen Krawatten
Wia i so schau
Hob i g′sehn
Dass die Leit
Stott Pupillen
Schillingstickerln
In die Augn ghobt hom
Na i denk ma nix dabei
Pack meine Gitarre aus
Und fang an zum Singan
Höflich, vornehm
Und dezent
Wie ich es immer tu
Allerdings
Unter Einschluss
Eines gewissen
Ordinären Wortschatzes
Na beim fünften moi Scheiße
Homs mi so ongschaut
Do hob i a so gschaut
Dann sans ollaweil
Lauter und lauter wurdn
Bis i mein eigenen Gesang
Waunn ich es
So bezeichnen darf
Nimma gheart hob
Hob i ma denkt
Na mocht jo nix
Heast auf zum Singan
Hob mei Gitar einpockt
Hob mein Anorak anzogn
Winter woas, hob mei
Zipfalmützal aufgsetzt
Bin zur Tür, hob gsogt
Herrschoften
Es woa ma wirklich
A Vergnügen
Unterhoits eich guat
Saufts eich ruhig an, oba

Mi, leckts am Oasch
Mi, leckts am Oasch
Mi, leckts am Oasch

Sechts
Und weu i
Genau waß
Dass a jeda moi
So a hoate Wochn hot
Wo a net waß
Wos a vor lauter Zurn
Als ersters mochen soll
Kaunn i eich an
Wundaboan Rot gebn
Denkts an mi
Waunns so weit is
Rennts zu die Fensta hin
Reißts as gaunz weit auf
Und schreits mit mir auße

Leckts uns am Oasch
Leckts uns am Oasch
Leckts uns am Oasch
Leckts uns am Oasch
Das is Gymnastik
Für die Zunge
Und Gymnastik
Für die Lunge

Leckts uns am Oasch
Leckts uns am Oasch
Leckts uns am Oasch
Herr Bürgermeister
Was machens denn da
Leckts uns am Oasch
Leckts uns am Oasch
Leckts uns doch
Olle am Oasch
Am Oasch, am Oasch
Am Oasch, am Oasch
Am Oasch, am Oasch
Am Oasch