Gsehsch dert d Stärne Songtext
von Peter Reber

Lueg emaû dėrt ufe – xėėsch dėrt d Schtäärne?
Xėėsch dr Mond, wo silberig uufgėit?
U du machsch gopfridschtutz esone Läärme
Wüû s nid gėng so, wi du s gärn hättisch, gėit

Lueg emaû dėrt ufe – xėėsch dėrt d Sunne
Wo sit Jahrmillione jėde Tag am Himmû schtėit?
U du aarme Tropf mėinsch, wüû dr öppis sig misslunge
Das d Wäût wäge däm em Änd no ungergėit

Ja du, mi Fründ, si mer nid z erbarme?
Hėi grossi Plän u wėtte wėis nid was?
Mir zwėė Lööle gryffe nach de Schtäärne
Drby hätte mer s hie unne doch ganz baas


Lueg emaû dėrt ufe – xėėsch di Wulke schwümme?
Ja, di etschrpicht scho ėnder üsem Naturėll
Es bitzeli Wind – u scho git s se nümme
Aber d Schtäärne lüüchte naach wi voor am Himmû

Ja, mir zwėė, mir si Gėscht ime Theater
U für kėne git s es Duurabonemänt
Da nützt is o kės Hėėpe u Prälaagge
Wė dr Voorhang ghėit, isch ds Schtuck für aûi z Änd

Bis zfride, wėn d im Schtrudû chli chasch schtüüre
U wė d chasch fröhlech sy, dė bis o fröhlech i dr Noot
U wė d d Dimänsione schynsch z verlüüre
Dė lue maû ufe, u si chöme wider i ds Loot

Lueg emaû dėrt ufe – xėėsch dėrt d Schtäärne?
Xėėsch dr Mond, wo silberig uufgėit?
U du machsch gopfridschtutz esone Läärme
Wüû s nid gėng so, wi du s gärn hättisch, gėit