Delphin Songtext
von Peter Reber

1.Mer hėt di dėrt xėė schpile
I mene Chinderzoo
Hėsch Fröhlechkėit verbrėitet
U grossi Gümp hėsch gnoo

U niemer hėsch s la mėrke
Das de wöhler wärsch
Wė d duss chöntsch schpilen u chöntsch schwümme
Dėrt, wo d häreghörsch

doch...

Ref... Delphin
Ja, hüt bisch zuen is choo
Bisch vil schöner i dr Frėihėit
Als gfangen im Zoo...


...Delphin
Hie isch dys Ėlėmänt
Nid troschtlos verlore
Zwüsche Plastik u Zemänt

2.Bisch wėder Fisch no Vogû
Bisch ganz es komischs Tier
Hėsch ds Wasser gwäût aûs Läbesruum
Dėrt isch dys Revier

Üs Mönsche hėsch de gfalle
Mir hėi dy Fründschaft xuecht
Hėi di gfange, hėi di zähmt
U mängisch o missbruucht

doch...

Ref... Delphin
Ja, hüt bisch zuen is choo
Bisch vil schöner i dr Frėihėit
Als gfangen im Zoo...


...Delphin
Zėig mer dys Ballett
Tanz mit Wind u Wäûe
Tanz mit nen um d Wėtt