L'erba matta Songtext
von Nanni Svampa

On dì de gloria l'era rivaa
quand tucc i alter eren partii:
mì, domà mì, hoo cognossuu
el disonor de restà chì.

Mì son 'me l'erba matta,
brava gent, brava gent,
l'è inutel mettom l'oeuli per condimm in insalata!
La mort l'ha ciappaa i alter,
brava gent, brava gent,
la m'ha faa grazzia a mì,
l'è minga giusta ma l'è inscì.
Trallalara tralallalara
trallalara tralallalara
e voraria savè 'l perchè
ve da fastidi vedemm in pè.

I donn hinn faa 'me disen lor
per stà settaa e spettà l'amor;
mì gh'hoo 'n donnin che spetta nò:
l'è in via Verzee che la va su e giò.


Mì son 'me l'erba matta,
brava gent, brava gent,
l'è inutel mettom l'oeuli per condimm in insalatta.
Lee la se vend ai alter,
brava gent, brava gent,
la se regala a mì,
l'è minga giusta ma l'è inscì.
Trallalara tralallalara
trallalara tralallalara
mì me par nò che per fà l'amor
che voeura i vergin e i mazz de fior.

I omen vann in gir per el mond
semper insemma, come i cavron:
mì inveci nò, stoo indepermì,
mangi de grassa anca el venerdì.

Mì son 'me l'erba matta
brava gent, brava gent,
l'è inutel mettom l'oeuli per condimm in insalata.
Mì son 'me l'erba matta
brava gent, brava gent
e cressi in libertà
adree ai panchett e in mezz ai praa.
Trallalara tralallalara
trallalara tralallalara
e voraria savè 'l perchè
vorii schisciamm sotta i voster pè.