Donne di piacere Songtext
von Nanni Svampa

I sciori i pret e i dònn per ben
I sciori i pret e i dònn per ben
I e ciamen dònne di piacer
I e ciamen dònne di piacer
Però hinn minga lì a fà baldoria
A Porta Vittoria
Però hinn minga lì a fà baldoria.

T′i e troeuvet lì in sul marciapè
T'i e troeuvet lì in sul marciapè
A seguità a fà avanti e indree
A seguità a fà avanti e indree
Però ghe doeur semper la s′cenna
Anca a quej de l'Arenna
Però ghe doeur semper la s'cenna.


Gh′han minga domà el mal de pè
Gh′han minga domà el mal de pè
I caj e i bignon de fagh adree
I caj e i bignon de fagh adree
Ogni tant gh'è anca l′ambulatori
Se no son dolori
Ogni tant gh'è anca l′ambulatori.

E poeu gh'è in gir tanti voncion
E poeu gh′è in gir tanti voncion
Che spuzzen come di cavron
Che spuzzen come di cavron
Ghe tocca anca fagh la bugada
Per ben che la vaga
Ghe tocca anca fagh la bugada.

D'accordi fan i saltafòss
D'accordi fan i saltafòss
Fan finta de sentì on quajcòss
Fan finta de sentì on quajcòss
Ma intant che ghe mòllen la grana
Ghe disen puttana
Intant che ghe mòllen la grana.


La gent i e tratta cont i pee
La gent i e tratta cont i pee
Hinn semper sòtta coi pollee
Hinn semper sòtta coi pollee
E pòden ciappà anca la rògna
Vergògna, vergògna
E pòden ciappà anca la rògna

Se tucc i ser hinn semper lì
Se tucc i ser hinn semper lì
Se sposen trenta vòlt al dì
Se sposen trenta vòlt al dì
L′è nò per la soa bella faccia
Gh′è anca el magnaccia
L'è nò per la soa bella faccia.

E ti, car el mè bell fiolasc,
E ti, car el mè bell fiolasc,
Toeu minga in gir sto cadenass
Toeu minga in gir sto cadenass
Sta povera veggia carcassa
Che adèss la te brascia
Sta povera veggia carcassa.

Gh′è mancaa pocch, car el mè tì
Gh'è mancaa pocch, car el mè tì
E sta puttana che gh′è chì
E sta puttana che gh'è chì
La podeva vess la toa mamma
La vita l′è strana
La podeva vess la toa mamma.