Acta non verba Songtext
von Liricas Analas

Acta non verba Songtext

Acta non verba. Far perquei che nus stuein.
Acta non verba. Far perquei che nus mein,
fallida direcziun, mintgin mira mo sil siu,
tuts endiran - ahh - nus vein disdiu!


zacu stezzel jeu giu, sesel sez en crusch,
culla vesta anenviars e cun stetga vusch.
Repassel scenas, cumplexs e sempels moves.
Nua stevas? E cun tgei quentas uss?
Tenor in giavisch fuss ei uss gia schabegiau,
vess jeu dunna, tgaun, affon e la casa baghegiau.
Mo ch'enqual ha muncau tier la praula dil bau.
Jeu vai disdiu e mai empriu, quei ha la praula mussau.
Il secund destin fuvan las Liricas Analas,
mo cun quels schanis mava tut mo bananas.
Il plaid carriera veva neginas muntadas
ed aschia eis ei iu, nus vein disdiu enqual gadas.
E sco tierz level jeu adina esser creativs,
tener si, tgei ch'ei en miu spért e less veser dapli,
mirar si, creativs sun jeu mo sperasvi,
erel aschi el mund disdiu, falliu, era è mega bi.

Cun la speronza ch'ei mondi adina aschia vinavon.
Il principi maximar cul pacher grond,
tochen ch'il ballun schloppa, la ductrina da fossa.
Nus essan tuts poppas, aschi ditg ch'il dad in rocla.
Cun mintga daguot, in tec pli enguords
per critica suords, profits mo pli el cuort.
Forsa la reflexiun da nossa veta sociala.
E leu va ei pli e pli pauc per la veta reala.
La relaziun vegn tralaschada biaras gadas,
buc peda da star eri e tedlar ina gada.
Nus vein disdiu! Mo mintga crisa porta schanzas.
Quellas duessen nus buc schar lavagar.

Sin l'entira lingia vein spiars, nus tuts ensemen!
Da viver vein negina mesira pli, essan sepiars!
Tgei giavel eis ei schabegiau cun nus?
Nies tgau strubegiaus, nies patratg lavagaus!
Essan confus dalla situaziun che regia, mo mein cun!
Naven dalla tegia ella fallida direcziun!
Mintgin mira mo pli sil siu, sch'ei vegn dir e va sil criu,
jeu vesel stgir e negin fiug, mo pli mirs, nus vein disdiu!
Tarladiu sco mein entuorn in cun l'auter!
Tadlein buc sil cor, quei ch'ei odentuorn
ei pli saun per tgierp edolma.
Ton ch'ei miert en nus e cloma
da vegnir anavos tier il bien, fa arder la flomma!
Cala da schar influenzar e dad esser enguords!
Lein mirar, sch'essan el stan da midar e muentar cuolms?
Frenar ed anflar in meglier cuors, in fundament,
jeu creiel ch'ei selai far - nus stuein mo vuler!

Songtext kommentieren

Schreibe den ersten Kommentar!
Diese Website verwendet eigene Cookies und Cookies von Dritten um die Nutzung unseres Angebotes zu analysieren, dein Surferlebnis zu personalisieren und dir interessante Informationen zu präsentieren (Erstellung von Nutzungsprofilen). Wenn du deinen Besuch fortsetzt, stimmst du der Verwendung solcher Cookies zu. Bitte besuche unsere Cookie Bestimmungen um mehr zu erfahren, auch dazu, wie du Cookies deaktivieren und der Bildung von Nutzungsprofilen widersprechen kannst.
OK