Chi se vó bene Songtext
von La Maschera

Teatro ′e mille culure è 'a vita
Ma, quanno cade ′o penniello scuro
Pe' fà dispietto te sporca 'e ddete
Chi c′è passato nun sape ′a cura

Chi c'è passato surride appena
Comm′ le capita n'avventura
"Parole doci", ′a vocca ne è chiena
Po' s′arretira e fà capa e muro

Sto n'ata vota accussì
Ma 'a colpa è ′a mia
′A colpa è 'a mia
Che ′e juorno vaco vestuto a festa
E 'a notte sòno pe′ cumpagnia


Teatro 'e mille paure è ammore
Primma l′affierr', po' se ne fuje
Ma ′a mezanotte se fà cchiu nera
Quanno succere a duje comme nuje

Chi è comm′ a nuje parla poco e sente
Quanta fatica ogni passo annanz'
E corre annuro sott′ acqua e viento
Chi se vò bene tene custanza

E stonghe ancora accussì
Ma 'a colpa è ′a mia
'A colpa è ′a mia
Mo ca nun vaco vestuto a festa
'A notte te sonno pe' cumpagnia
Mo ca nun vaco vestuto a festa
′A notte te sonno pe′ cumpagnia

'A notte te sonno pe′ cumpagnia