Chom Mer Gäbed D Chind Ab Songtext
von Kunz

Chom mer gäbed d′Chind ab möched üs e schöne Tag
Brenge sii zo de Nonna chom mer lüted ehre ah
Chom mer gäbed d'Chind ab schriibed HEUTE RUHETAG
Bringsch sii du oder ech egal haupsach sii sind nömme do

Chom mer gäbed d′Chind ab kes gezänn ond ou kes güss
Sii gänd eim so vöu jo nome höt gänz sii's ned üs
Chom mer gäbed d'Chind ab jo das hemmer üs verdient
Es tête-à-tête wo niemer driiredt das wär doch schön


Chom mer gäbed d′Chind ab hocked säuber of de Triptrap
Ond de gohd′s ab ässed Guetsli Chips Nutella
Chom mer gäbed d'Chind ab bstöued üs e grossi Pizza
Ond den ässe mer en Rueh ond zöndet es Cherzli ah

Chom mer gäbed d′Chind ab gänd üs weder mou en Film
Hängeds of's Sofa vellech trenke mer chle Wii
Chom mer gäbed Chind ab lueged üs weder mou lang ah
Du gsehsch du guet us guet us guet send keni Chind em Huus

Ghörsch das schöne Grüsch
Ech gloub dem seid mer Rueh

Met was wemmer afoh nämed z erscht es Schlöckli Wii
Mer chönted üs kösse mhh do wär ech sofort debii
Oh chom nochli nöcher e dine Arme esches guet
Ech mache nome chorz no mini Ouge zue