Teil II (Prichterstattig) Songtext
von Greis

bluetbad im eichhouzquartier
badegest hei vor minute d'polizei alarmiert
nachdäm e ganzi familie
uf offener strass erstoche worde isch
namitags hoffemer das dr mörder gfunde wird
u vo dr bluetige grillparty
prichtet itze üse sonderkorrespondent charly:


ja edith, ähm, so öppis hesch scho sit
em massaker mit dr chettesagi nümme gseh
vo wittem gsehts so us aus heibs keni verletzte
si au tod wobi i gsehs vo hie nid so guet doch itze
ghöreni grad es gäbi schins überläbendi
was genau passiert sig jedoch wüss me äbe nid
enaute ma imne roustueu
zwüsch de liche gfunde worde
doch tueter so as wärer toubstumm
i bi vor ort mit de fahnder
und polizei het mer vori gseit dass sech bir waffe
um nes mässer handlet
und es fäut immerno jeglechi spur
vom zwöite überläbende und das sig e chline bueb
doch wartet mau, da chunt eine uf mi zue
är het fläcke ufem tshirt wo usgseh wi bluet
itz steit er näbe mir. ou dasch ja mi neffe,
o gott är het öppis i dr hand, s'isch es ...