Fensterstockhias / Mr. Big69 Songtext
von Da Huawa, da Meier und i

Z′nagst hot ma mei Dirnl a e-mail zuagschrim
Warum i gor nimma im Chatroom drin bin
Is d'Standleitung hin
Dass I gor nimmer kimm
Hollariadeidihollaradiho!

Hob′s e-mail aufgmacht, hot ma's Herz im Leib glacht
Und hob mi glei eigloggt bei da stockfinstern Nacht
Bei der stockfinstern Nacht
De Tastatur kracht
Hollariadeidihollaradiho!

Und wiar in dann endlich in Chatroom neikimm
Do san scho zwanzgdausnd andane drin
Scho sovui andane drin
Oh, wie I di da findt
Hollariadeidihollaradiho!


Ihr Nam is schnäi eigem, de Suchmaschin lauft
"Gazelle 29", so hod sa se dauft
So hod sa se dauft
I glaub, dass de sauft
Hollariadeidihollaradiho!

Do hammas, jetz brauchts bloß no oan kloana Klick
Bis I ihr a Nachricht ind Nacht ausseschick
"Hey Gazelle, du host Glück
Ich bins, Mr. Big!"
Hollariadeidihollaradiho!

Sie schreibt ma glei zruck, ob I aa online bin
Und ob I vielleicht heid no zu ihr hoam kimm
Ob I aa online bin
Ja, sunst hätt I ja nix gschriem
Hollariadeidihollaradiho!

Iatz hots mi tatsächlich zu ihra hoam bstäid
Hobs Navi glei eigschoit, den kurzn Weg gwäid
Den kurzn Weg gwäid
Zum heißn Blind Date
Hollariadeidihollaradiho!


Und wiar I bei ihra geh ummar ums Eck
Seh I scho vo da Weitn: "Je do stimmt doch wos ned!"
Des siehgt ma glei auf die Schnelle
Do fäits weit zur Gazelle!
Hollariadeidihollaradiho!

Sie hot mi aa scho vo da Weitn ausgmacht
Ja mei, seght de guad bei da stockfinstern Nacht
I hätt mi vasteckt
Ja, wenn de so guad segt
Hollariadeidihollaradiho!

I dua so ois wia wann I spaziern geh daad
Oba sie hods durchschaut, zum Spazierngeh is z'spaat
Ois wia wenn sie des wissd
Wanns zum Spazierngeh Zeit is
Hollariadeidihollaradiho!

Sie sagt zu mir: "Ja, was duast denn dann do?"
"I schau ma de Oidstodt im Mondliacht o!"
"Oba es scheint gor koa Mond!"
"A, do hob I mi eh scho dro gwohnt!"
Hollariadeidihollaradiho!

Sie hätt den Verdacht, dass I bin Mr. Big
I sog, "Mister Big? Den kenn ick nick!
Guade Nacht, scheene Griaß
I bin da Fensterstockhias!"
Hollariadeidihollaradiho!

Des saggrische Chatten, ja des woaß i gwiß
Wann I hundert Johr leb, doss I des ned vergiß
Wias ma do ganga is
Mit dem Internetgschieß
Hollariadeidihollaradiho!