Hüt chunnt sie hei Songtext
von Stiller Has

Im Herbscht heimer e neui Schibe duss...
Im Momänt hani nume d Bandschibe duss.
U es isches Stück übers Warte vo dere Schibe, mir heis no nid eo guet güebt...

Wobii, me weiss säuber aube nid worum′s nid geit.
Wome doch so viu gmeinsami Interrässe het: sie spielt Golf u i fahre Passat.

Hüt chunnt sie hei, het sie gseit
Sie sigi zspät zum Znacht
U d Läde, die hei eh scho zue
U i ha immer no nüt gmacht
Hüt chunnt sie hei, het sie gseit
Oder lütet emu aa, ob sie chaa oder maa
Wil sie no nid weiss
Öb sie morn so spät no chaa


Hüt chunnt sie hei, het sie gseit
U wes nid längt, so chunnt sie morn
I söu afangs afo ässe, sie schicki mer es ÄssÄmmÄss
Sie mäudi sich de scho
Sie sig z Aarwange blybe hange
U het gseit, es täg ere leid, sie hätt sich gfreut
Aber wes nid längt
När längts ufs Wuchenänd

Hüt chunnt sie hei, het sie gseit
So steits emu uf dr Wiehnachtscharte
Dr Moudi dreit vor Hunger düre
U i bi sit Monate am Warte
Hüt chunnt sie hei, het sie gseit
Derfür chunt sone Fax
I söll dr Hanf am Balkon giesse
U a ds Frässe dänke vo dr Chatz

Hüt chunt sie hei, het sie gseit
Stattdessi chunnt es Telefon
Dass sie jetz glych nid würdi choo
Sie gieng nonstop nach Lissabon
Ufem Rückwäg chäm sie verby
Es wärd halt Summer sy
Sie heigi Freud u liebi mi
När chäm sie hei, när chäm sie hei, när chäm sie hei


Im Summer chunt sie hei
Aber da bin i nüm da
Aber i schryb ere e Zedel
U lütere emu aa
Du muesch dr Chatz zum Frässe gäh
U wenn d im Herbscht chunsch
Lütsch mer aa
När chumi hei, när chumi hei, när chumi hei

Aber s wird sicher ume Wiehnachte
Aber es isch mer afe glych
Zu Wiehnachte bin i nüm ume
Da bin i zrügg in Österrich
När chunt sie hei vo dere Reis
Zum Znacht wie abgmacht
U i hätt no immer nüt gmacht
När chunt sie hei u i bi nid dehei u sie isch allei
Hüt chunnt sie hei
Hüt chunnt sie hei