Fruchtsalat Songtext
von Schtärneföifi

Es churzsichtigs Beeri und es wurmschtichigs Chriesi
Händ sich gseh und gseit: "So wie du möchti nie sii"
Sie händ sich troffe imne Uusflugsreschterant
Und sofort de schönschti Schtriit gha mitenand


Zerscht seit s′Beeri zum Chriesi: "Tummi Zwätschge"
Druffabe fangt s'Chriesi natürli aa lätsche
Und git am Beeri ume: "Heb de Latz, du grüens Gmües
Du bisch ja nonig riif und käs bitzli süess"

Klar, so öppis Iaht sich s′Beeri nöd büüte
Es haut am Chriesi eis, dass es d'Glöggli ghört lüüte
S'Chriesi aber hät en Chriesischtei parat
Wo′s am Beeri voll is Fruchtfleisch schlaht

Es Beeri und es Chriesi händ e Schlegerei aagfange
Schliesslich isch en Dessertlöffel dänn dezwüsche ggange
Beid sind uufglupft worde, und ggässe au no grad
Und dänn isch wider Rueh gsii im Fruchtsalat