Al Sad3 Songtext
von Malaaz

Al Sad3 Songtext

أنت اقوي منهم رغم أنك كنت كتير بتبكي!
عازل نفسك، لكن غصب عنك
صعب تبوح وتحكي
كل الكون بحالة خايف منك، من عينيك الشاردة
قلب أبيض رغم كبر سنك، متعلمش لسه
نفسه يتعلم كلامهم نفسه يبقي منهم!
كل الناس دي خايفة منك
اصلك أنت غيرهم
بتقول بس الحقيقة...
مبتعرفش تكدب، مبتعرفش تخون

جواك نور مطفي، شرخ فروحك هلاك
وأنت وحيد تبكي، تصرخ من الشباك
مين غيرك يسمع؟
مين غيرك قواك؟
صوت جواك ينده: مش هتكون ملاك...


كنت أقوي منهم بس غرورك رافض صوت أنينك
والسواد اللي في أعمق بحورك سايل جوه عينك
سِبت عتمه تلبد جوة جدورك بردو وأنت شايف
هي ضلمة ال هتحمي سورك لما تبقي خايف
بكرة تتعلم كلامهم، مش هتبقي غيرهم!
كل الناس دي خايفة منك
اصلك أنت منهم
بتقول نص الحقيقة...
واتعلمت تكدب، اتعلمت تخون

جواك نور مطفي، شرخ فروحك هلاك
وأنت وحيد تبكي، تصرخ من الشباك
مين غيرك يسمع؟
مين غيرك قواك؟
صوت جواك ينده: مش هتكون ملاك...

•SOLO•

ساد السواد في دمك
ال حاربته وصلك
فجأة لقيته في ضلك، وصلت له
حربك بقت مع قلبك
أنت مراية كرهك
زي م بتشوفني شايفك نفس الشيء

جواك نور مطفي، شرخ فروحك هلاك
وأنت وحيد تبكي، تصرخ من الشباك
مين غيرك يسمع؟
مين غيرك قواك؟
صوت جواك ينده: مش هتكون ملاك...

Songtext kommentieren

Schreibe den ersten Kommentar!