Wo de Wind wäiht Songtext
von Kunz

Wo de Wind wäiht (KUNZ)

Mer send gebore ade Strosse,
Wo öber jedi Gränze füehrt,
Emmer metem Bleck det he,
Wo Land ond Hemmu sech berüehrt.

Zor Gitarre chond es Schlagzüg,
Ond zom Schlagzüg chond e Bass,
Us Tröim ond Melodie
Wärden Ougeblecke gmacht.

Ond die Böuder näme mer denn aus Erennerige met,
Wenn′s üs weder wiiter fort ed Wiiti ziehd.


Ref.
Det he wo de Wind wäiht, wones Lied spöut,
Wo d'Liechter nie usgönd.
Det he wo de Pols schlohd, öppis afod,
Wo d′Gluet för emmer brönnt.

Onterwägs of dene Strosse
Gömmer nie lang elei.
Frömdi chömed wärde Frönde,
Wöu de Wäg werd zäme teilt.

Ond mer loufe ond mer loufe ond mer loufe emmer wiiter,
Ond wemmer nömme möge, hemmer de Wend em Rögge.
Mer hebe ab ond schwebe ond denn flüüge mer devo,
Met dem Gfühl wo met de warme Loft esch cho:

Ref.

Bridge
Zo de Gitarre chond es Schlagzüg
Ond zom Schlagzüg chond e Bass,
Us Tröim ond Melodie
Wärden Ougeblecke gmacht!

Ref.


LiebGruess KUNZmusik.ch