Subhalekha Songtext
von S. P. Balasubrahmanyam & K. S. Chithra

శుభలేఖ రాసుకున్నా ఎదలో ఎపుడో
అది మీకు పంపుకున్నా అపుడే కలలో
పుష్యమి పువ్వుల పూజ చేస్తా బుగ్గన చుక్కలతో
ఒత్తిడి వలపుల గంధమిస్తా పక్కలలో

శుభలేఖ అందుకున్నా కలయో నిజమో
తొలిముద్దు జాబు రాశా చెలికే ఎపుడో
శారద మల్లెల పూలజల్లే వెన్నెల నవ్వులలో
శ్రావణ సంధ్యలు రంగరిస్తా కన్నులతో

శుభలేఖ రాసుకున్నా ఎదలో ఎపుడో
తొలిముద్దు జాబు రాశా చెలికే ఎపుడో

చైత్రమాసమొచ్చెనేమో చిత్రమైన ప్రేమకి
కోయిలమ్మ కూసెనేమో గొంతునిచ్చి కొమ్మకి
మత్తుగాలి వీచెనేమో మాయదారి చూపుకి
మల్లెమబ్బులాడెనేమో బాలనీలవేణికి

మెచ్చి మెచ్చి చూడసాగే గుచ్చే కన్నులు
గుచ్చి గుచ్చి కౌగిలించే నచ్చే వన్నెలు
అంతేలే కధంతేలే అదంతేలే


శుభలేఖ అందుకున్నా కలయో నిజమో
తొలిముద్దు జాబు రాశా చెలికే ఎపుడో
పుష్యమి పూవ్వుల పూజ చేస్తా బుగ్గన చుక్కలతో
వత్తిడి వలపుల గంధమిస్తా పక్కలలో

శుభలేఖ అందుకున్నా కలయో నిజమో
శుభలేఖ రాసుకున్నా ఎదలో ఎపుడో

హంసలేఖ పంపలేక హింసపడ్డ ప్రేమకి
ప్రేమలేఖ రాసుకున్నా పెదవి రాని మాటతో
రాధలాగ మూగబోయా పొన్నచెట్టు నీడలో
వేసవల్లె వేచి ఉన్నా వేణుపూల తోటలో

వాలుచూపు మోసుకొచ్చే ఎన్నో వార్తలు
ఒళ్ళో దాటి వెళ్ళసాగే ఎన్నో వాంఛలు
అంతేలే కధంతేలే అదంతేలే

శుభలేఖ రాసుకున్నా ఎదలో ఎపుడో
అది మీకు పంపుకున్నా అపుడే కలలో
శారద మల్లెల పూలజల్లే వెన్నెల నవ్వులలో
శ్రావణ సంధ్యలు రంగరిస్తా కన్నులతో

శుభలేఖ రాసుకున్నా ఎదలో ఎపుడో
శుభలేఖ అందుకున్నా కలయో నిజమో