Wåssa Songtext
von Perchta

Es rengt, die Woikn wårn schwar
Tropfen fia Tropfen reat da Himmi und füt de Quön auf′n Berg
Da Gletscha schmützt
Und wia a jeda Ufång weascht aus jeden Rinnsä amoi a Båch

Er måcht sich sein Weg, formt Woid und boid Stoana
Fliaßt zåmm und ausnånda
Weascht schwånga, in eam kocht as Lebm
In eam kocht as Lebm, in eam kocht as Lebm

Jungfa, Muata, Kruk
Ois keat zum Ufång zrug
In ihrem Schoß, gånz voller Kråft, im ewig Kreis
Erwåch

Ruhig rinnt as klåre Nåss
Feicht weascht da Bodn, sauft sich voi mit dera heiligen Måcht
Da Strom steaht niamois stü
Då mågs schneibm und gfrian, Eiszåpfen glänzen in volla Pråcht

Oi findns då Trost ob Viecha oder Bama
Am Ufer der Zeit


A jeda Mensch weascht ausm Wåssa geborn
Weascht ausm Wåssa geborn, weascht ausm Wåssa geborn

Jungfa, Muata, Kruk
Ois keat zum Ufång zrug
In ihren Schoß, gånz voller Kråft, im ewig Kreis
Erwåch, Erwåch

Vom Båch zum Fluss, reißt oichi in a Schlucht
Zaschöt in oan Wåssafoi üwaroi

A Sea so klår und koit
So sånft, so oid
Am Grund as Liacht valischt
Hea zua, koa Wort sprich'
De Gschichtn vo friaga sein gschriem
Trink de Weißheit de di umgib′

Newi ziacht au, ois verschling as Grau
Da Himmi nimmp a jeds wiada zrug
Weil da naxte Reng a neichs Lebm bringa muass


Jungfa, Muata, Kruk
Ois keat zum Ufong zrug
In ihrem Schoß, gånz voller Kråft, im ewig Kreis
Erwåch, Erwåch, Erwåch
Erwåch