Hannah Luna Songtext
von Patent Ochsner

Lue, die Nacht, sie schliicht sech a wie ne schwarzi Chatz
U ne Schwaube säglet dür ds letschte Liecht vom Tag
U mini Häng, sie si müed vo au däm Häbe u Loslaa
Hannah Luna weisch, mim aute Härz geits gliich

Vor mir lige au die Gschichte woni verpasst ha
U mit ihne au die Wort woni dir nid ha xeit
U my Rügge isch müed vo au däm Bücke u Buggle
Hannah Luna weisch, mim aute Härz geits gliich


I bi so jung gsi, ha glych viu Plän gha wie dr Himu Schtärne
U I bi hemmigslos u gierig use i d Wäut
U mini Füess, sie si müed vo au däm Gumpe & Stillstah
Hannah Luna weisch, mym aute Härz geits gliich
Oh, Hannah Luna weisch, mim aute Härz geits gliich

U mini Füess, sie si müed vo au däm Gumpe & Stillstah
Hannah Luna weisch, mim aute Härz geits gliich

Lue, dr Tag erwachet so zart u fiin wie nes Ching
Los wie d Amsle singt, i dr Linde vor em Huus
U mi Chopf isch schwär vom Tröime u vom Erwache
Hannah Luna weisch, mim aute Härz geits gliich
Hannah Luna weisch, mym aute Härz geits gliich
Oh, Hannah Luna weisch, mim aute Härz geits gliich