Qara Gözlərin Songtext
von Şövkət Ələkbərova

Hüsnünün seyrindən doymayır ürək
Nə bəladır sənin qara gözlərin?
Bir baxışda min bir cadu oxuyur
Ömür çırağıdır yara gözlərin
Gah coşub, gah xumar-xumar baxanda
Şimşək kimi başım üstdə çaxanda
Atəş olub dərdli canım yaxanda
Uymasın, amandır, yada gözlərin
Xəyalın fikrimi oynatdı birdən
Qəlbimdə əksini gördüm bir səhər
Saymadın, salmadın mənə bir nəzər
Baxırdı, bilmirəm, hara gözlərin


Gah coşub, gah xumar-xumar baxanda
Şimşək kimi başım üstdə çaxanda
Atəş olub dərdli canım yaxanda
Uymasın, amandır, yada gözlərin
Zəmanə qızısan, mübariz, qoçaq
Heyif ki, düşmüsən bizlərdən qaçaq
Bir de, mən də bilim, nə zaman, haçan
Edəcək dərdimə çara gözlərin?
Gah coşub, gah xumar-xumar baxanda
Şimşək kimi başım üstdə çaxanda
Atəş olub dərdli canım yaxanda
Uymasın, amandır, yada gözlərin