Kusina Songtext
von Narda

Alas-sais na naman at manonood ka ng balita
Magsisindi ka ng yosi at magsusunog ka ng baga
Lumalamig ang sinaing at wala pa ring hinahain
Tuloy ang buga at kulay abo na ang hangin

Kumukulo ang ′yong tiyan
Nanunuyo ang lalamunan
Umiinit ang kalan

Ang ulam natin, nasaan?

Alas-dose na nga at nagsasabon ka pa ng pinggan
Pinapasma ang kamay, pinupulikat pati ang isipan
Nag-ring ang telepono: ang boyfriend mong driver ng taxi
Nakabalik na raw siya, pero mayroon siyang bagong babae


Kumukulo ang 'yong tiyan
Nanunuyo ang lalamunan
Nagpunta ba sa Japan

Aking ligaya,nasaan?

Alas-tres nang umaga, nasa tuktok ng gusali
Mag-ba-bungee jumping pababa, tatalon walang tali
Bubuka, luluwa ang babagsakan mong semento
Sa wakas malalaman ang dugo pala′y lasang adobo

Nagkalat ang iyong laman
Ang apdo mo ay saan-saan
Nagpunta ba sa Japan?

Aking ligaya, nasaan?
Kumukulo ang 'yong tiyan
Nanunuyo ang lalamunan
Nagpunta ba sa Japan?
Aking ligaya, nasaan?