Die Leich Songtext
von Mindblind

Die Leich wos in mein Spiegel wohnt
Blickt mi aus meine roten Augen on
Sie schaut ois hätts an Toten gsehng
Und i bin fossungslos danebn

I zwick mi, sie verziagt is Gsicht
Und sie frogt mi: Bist du ned gonz dicht?
Des tuat jo weh und überhaupt
Dir gheat jo in die Pappn ghaut

Wos du ma ontuast - schau mi on
I woa amoi a gsunder Mann
Du host aus mir gmocht wos i bin
Außen tot und innen hin

I sog: Jo Mensch, des tuat ma lad
Owa i glaub du host do wos verdraht
I siach di grod zum ersten moi
Vielleicht bist im foischn Spiegelsaal


I bin ois wos du ned sein wüst
Wofür du trotzdem ollas gibst
I bin da Durst, densd′ nur mitn Wein stüst
A unverbesserlicher Pessimist

Na guad, sche longsom wird's ma z′bled
I versteh des wirklich ollas ned
Warum bist du in mein Spiegel drin
Und wo is mei echtes Abbild hin?

Die Leich sogt moch die Augen auf
Vielleicht kummst donn allanich drauf
Oder muas i da's erst buchstabiern
Dei Nom steht a auf meiner Stirn

I bin ois wos du ned sein wüst
Wofür du trotzdem ollas gibst
I bin da Durst, densd' nur mitn Wein stüst
A unverbesserlicher Pessimist

Die Leich sie sogt: Gib ma dei Hond
Und i renn mit dir durch d′Wond
Mei Leich und i san jetzt beinand
Und wir rennan Hond in Hond


Mei Leich und i san jetzt beinand
Und wir rennan Hond in Hond
Mei Leich und i für immer zom
Und wir rennan durch di Wond

Mei Leich und i san jetzt beinand
Und wir rennan durch di Wond
Mei Leich und i san jetzt beinand
Und wir rennan Hond in Hond

Mei Leich und i, mei Leich und i, mei Leich und i
Für immer zom
Mei Leich und i, mei Leich und i, mei Leich und i
Für immer zom