BA2ES Songtext
von Marwan Moussa

أوه، أوه، أوه

بقضي لياليّا على الهم فاصلة إتنين
عملت Crop للذكريات ودُست Save
بصّيت في مرايتي مرايتي وحسّيت نفسي الضيف
محتاج أفوَّق فوَّق نفسي قبل الصيف
بصّيت قدام، بصّيت لورا
نسّوني إزاي أطلب الطلب
مشيتها طيب، مشيتها سالك، مشيتها صافي

دلوقتي أنا بائس (بائس)، يائس (يائس)
وبرضه ما فيش حد فيّا سائل
أنا مش آسف (آسف)، آسف (آسف)
فما تجيش تقولّي أبقى مُتفائل
إيدي ع الإزازة، ماذا؟
لاسع ومش حاسس بحاجة
وياما، ياما التفكير الزيادة جِه بنَدامة


الحب والإحساس
سمعنا عنه كتير حكاوي بس ما شُفناهاش
مجتمع المكياچ (مكياچ) وقلوبكو في الإفلاس (إفلاس)
بتبيعوا للمحتاس كتاب كلام أبو بلاش
وحتى الضل ما بقاش ماشي معايا
مش أنا إللي يطفّي إللي جوايا (إللي جوايا)
وما جاليش منهم غير إصابة

يابا، يابا قولّي ليه؟ (ليه)
الدنيا جَت عليا أوي كده ليه؟ (أوي ليه)
آه، مشيتها دُغري وإستفَدت إيه؟
لو كل الناس كدابة طيب إنتَ تبقى إيه؟

لعبِت جوة الدار، مواجه المراية، عرفت لحظة إكتئابي، واو
التلج بس دافي، كابوس ده ولا حلم ولا حِمل على كتافي؟ واو
خدت نفس، آه، خدت نفس
آه، خدت نفسين لقيت الحال إتقلب
آه، خدت تلات إنفسة لقيتني فوق الجبل
آه، خدت أربع إنفسة ضميري إتهبَل
وأنا ليه بعمل دماغ عشان أهرب من النوم
وبعدين أعمل دماغ عشان أفوق من النوم
ولا كإني رافض الإقتراب منه
وإللي أنا هربت منه طلعلي أوسخ منه
طلعِت خماسين يابا وأنا مش شايف
وإنتَ مش غريب، أنا كان في جزء مني خايف
بس أنا كنت فوق بكلِّم نفسي، العمر سايح
دهب في الدماغ بس للي بيدوَّر ع السبايك


يابا، يابا قولّي ليه؟
الدنيا جَت عليا أوي كده ليه؟
آه، مشيتها دُغري وإستفَدت إيه؟
لو كل الناس كدابة طيب إنتَ تبقى إيه؟

بائس (بائس)، يائس (يائس)
وبرضه ما فيش حد فيّا سائل
حدش مُتفاهم (فاهم)، فاهم (فاهم)
فما تجيش تقولّي أبقى مُتفائل
إيدي ع الإزازة، ماذا؟
لاسع ومش حاسس بحاجة
وياما، ياما التفكير الزيادة جِه بنَدامة

تبتدي تغضب من كل حاجة
حتى من نفسك
(حاول تفتكر)