Igujilen Songtext
von Lounès Matoub

Lemer zmireɣ ad rewleɣ i iman-iw
Ɛemdeɣ iḍarren-iw
Aḍ ḍerrin wala aḍ ḥevsen
Lemer zmireɣ aḍ kelxeɣ levɣi-w
Aḍ isgen ul-iw
Aḍ rewleɣ ′wa aḍ iyi-yafen?!
Imi ḍ nutni i ḍ iman-iw
Ḍ el-ḥukkam n terwiḥt-iw
Ma neṭqeɣ-d aḍ iyi-ɛaqven
Tekkiḍ amnar n wallen-iw
Dayen ur kem-ttwalint ara
Lxid ɣur cuddeɣ zzher-iw
Yeqres-d yis-m yegla
Rriḥa-m deg uxxam-iw
Teqqim-d i ccum-iw
Tekseb leḥyuḍ d lḥara
Win muqleɣ seg warraw-iw
Icellex wul-iw
M-ara d-yini i Yemma?
Ah! I Yemma?


Tidet amek ara sen-ttemleɣ
Yeggugem yiles a ineṭqen
Deg urebbi-w ma ten-id-jemɛeɣ
Ttagadeɣ acu iyi-d-qqaren
Ḍ times i tt-magareɣ
M-ara ten-id ḍelleɣ
Si lakul m-ara d-teffɣen
Azal iḍ ttucubleɣ
Amek ara sen-mleɣ
Amek i teḍra d Yemma-tsen
Ah! d Yemma-tsen
Lekḍev ḍ tiḍet qarḥen
Sfeqḍen-d lḥal mazal
Lemer sbaṛ d imeṭṭawen
Iẓri-w ad yegg tiḥemmal
Ttagadeɣ medden asen-mlen
Ayen akken yefren
Ad d-yecceḍ deg yir awal
Tifeḍ-iyi kemm yemmuten
Nekk i d-yeqqimen
Amek ara qableɣ timsal
Tifeḍ-iyi kemm yemmuten
Nekk i d-yeqqimen
Amek ara qableɣ timsal
Tifeḍ-iyi kemm yemmuten
Nekk i d-yeqqimen
Amek ara qableɣ timsal