Schmätterling Songtext
von Jaël

Näb emne Schüfeli im Sand
Gsehn i e dicki Roupe
Si chrablet am Sandchaschterand
Hesch di verloffe? chumm uf d Hand!
Wosch e chli Fänchu frässe?
Oder bisch äch du d Roupe Nimmersatt?

I boue dir es Huus
Us Sand u Lehm
U druuf es Dach us Höi
Dervor e Platz us Chisustei
Es heimeligs Dehei
Nume für di elei
Für di elei

Was frisst de die Roupe Nimmersatt?
I schla mau das Büechli uuf
När lueg i im Chüeuschrank, was es het
Dert nimen i Frücht u Chäs u Wurscht
Und es Glas Sirup gäge Durscht
Het si Melone äch o gärn?


I boue dir es Huus
Us Sand u Lehm
U druuf es Dach us Höi
Dervor e Platz us Chisustei
Es heimeligs Dehei
Nume für di elei

Nume für di eleini bou i es Huus
Nume für di eleini bou i e Wäut uuf
Nume für di eleini bou i es Huus

Zwe Wuchen isch es här
Won i d Roupe zletscht ha gseh
Ihri Wohnig isch jitz läär
Aber hütt Morge han i s gseh:
ä grosse Schwaubeschwanz
Hockt uf em Sandchaschterand

är breitet d Flügu uus
U winkt merci für ds Huus

Nume für di eleini bou i es Huus
Nume für di eleini bou i e Wäut uuf
Nume für di eleini bou i es Huus
Nume für di elei
Nume für di elei
Nume für di elei