Späda Songtext
von HoamatBeat

Späda, wenn I moi oid bin
Und I lauta Foitn hob im Gsicht
Gfrei I mi heid scho drauf
Weil jede Foitn vazaid ihr Gschicht

I hob a Lacha auf meine Lippn
Wenn I dro denk
Von da Hausbank aus meine Enkel zuaschaun
Und no a paar scheene Momente von da Zeit glaun

Und a ganz Lem des liegt dann hinter mir
Vui hob I erlebt und do
A Nei′s des wart scho hinter da nächstn Düa
Aber a bissl Zeit loß I ma no


Und wos de Zukunft woi bereit hoit
Ob's uns vo Heid ins Moing bringt
Und ob de Träume woi in Erfüllung gengan
De mir scho ghabt ham ois gloans Kind

Und wer uns woi auf unserm Weg begleit
Und wer de Stoana auf d′Seitn schmeißt
Wer mit uns lacht, danzt und singt
Und wer woi unser Herz gwinnt

Und a ganz Lem des liegt dann hinter mir
Vui hob I erlebt und do
A Nei's des wart scho hinter da nächstn Düa
Aber a bissl Zeit loß I ma no

Späda, wenn I moi oid bin
Und I lauta Foitn hob im Gsicht
Gfrei I mi heid scho drauf
Weil jede Foitn vazaid ihr eigne Gschicht