Briada Songtext
von HoamatBeat

Ois Briada, steh ma beinand
Mir hoidn uns fest bei da Hand
Mir schaun uns, diaf in d′Aung
Aufananda ke ma vatraun

De Zukunft, gehüllt in Ungewissheit
Für's sterm sa ma no ned bereit
Mir ham, unser Lem
In de Händ unsrer Briada gem

Vagiaßts koane Tränen, bhoit′s as auf
Wennt's an uns denkts, dann schauts zum Himme nauf
So wia de Woikn ziang, so draht sich de Weid
Da Weg im Lebn, der war für uns scho gwaid


In unsre Aung, ist de Angst zum seng
De Tränen laffan runter ganz verweng
As Bluat, pulsiert in unsre Venen
Koa Mund ko song, wonach mir uns sehnen

Lossts uns lieng, do wo ma sterm
Unsre Körper soin zu Asche werdn
Unser Bluat, versickert im Dreg
Für uns is des as End, vom Weg

Vagiaßts koane Tränen, bhoit's as auf
Wennt′s an uns denkts, dann schaut′s zum Himme nauf
So wia de Woikn ziang, so draht sich de Weid
Da Weg im Lebn, der war für uns scho gwaid

De ungebornen Kinder, gherd de Zukunft
Lernts erna's Lem, und ned de Vanunft
Liebe is da Nährbodn für′s Lem
Damit koa Hass gedeiht, dafür soins ois gebn