Mini Stadt Songtext
von Halunke

MINI STADT

Ig gibe nid uf
Bi nä romantische Optimischt
Bi bi dir o wenn i nid da bi
Du chasch no so hässlech si
Ig bliebe dir tröi und verlah di nid
Verlah tue ig di nid

Dä Ort hie isch am Bode
So wird das nüt
Es fählt a allne Egge
Es isch nid emau meh schön

D′ Sunne isch trüeb
Niene tanzt dr Bär
Ig bi ke Pessimischt
Aber du machsch's mir irgendwie schwär

D′ Wulche chläbe a de Decher
U nüt isch so wie's isch gsi
Überall lääri Chäller
Es fägt nid emau meh


Wo bisch du bliebe?
Ha di doch so gärn
Dr Zouber isch verschwunde
Wo isch di Stärn?
Wo isch di Stärn?

Ig gibe nid uf
Bi nä romantische Optimischt
Bi bi dir o wenn i nid da bi
Du chasch no so hässlech si
Ig bliebe dir tröi und verlah di nid
Verlah tue ig di nid

Mini Stadt du bisch so hässlech
Aber i cha nid ohni di
Egal won i häre ga
Nume bi dir bi i deheime

Wieso hesch di la fahre?
Was isch los mit dir?
Hesch du mi vergässe?
Bitte lueg e chli zu dir!

I bi ke Patriot
Aber bi dir bin i's scho
Du stinksch u du chläbsch
Du bisch e alti kaputti Sou


Aber mir isch es egal
Mi verliersch du nid!
Aber wes irgendwie geit
Lueg e chli zu dir
Lueg e chli zu dir

Ig gibe nid uf
Bi nä romantische Optimischt
Bi bi dir o wenn i nid da bi
Du chasch no so hässlech si
Ig bliebe dir tröi und verlah di nid
Verlah tue ig di nid