Buuregiel Songtext
von George

Be uf d′Wäut cho ufem Buurehof
Imne chline Dorf im Berner Seeland
Han e schöni Jugend gha
Aber nie chönne verstah
Dass i im Sommer statt a See z'gah

Uf de Felder chrampfet ha
I han denn gloubt
Mi Wält chönn das nid sii
Be nach dr Schuel id Großstadt
Aber dört nie glöcklech gsi

Wüu töif i mim Herz
Han i immer gwösst wär I be
Ond i be Stoutz druf
No geng e Buuregiel z′sii


Ide Stadt han i mi so einsam gfüeht
Ha doch gloubt gha
Dass sich z'wahre Läbe
Dört abspiüt
Won i gmerkt
Dass i mi tosche ha

Han i nomme no z'verlange gha
Das triischte graue Hüüsermeer
För immer z′verlaa
Es isch lang här
Be längschtens wieder da
Hie won i d′Sunne gseh
Hingerem Jura undergah

Wüu töif i mim Herz
Han i immer gwösst wär i be
Ond i be Stoutz druf
No geng e Buuregiel z'sii
Töif i mim Herz
Bin i nie öpis angers gsi
Ond i bi Stoutz druf
No geng e Buuregiel z′sii


Fahre im Aberot
Uf dere houprige Strass
Ond es schmöckt
Nach fröhsch gmaihtem Gras
Ond es Gfüehu
Vo töife Freiheit
Hout mi i
Dass i am Zieu
Am Zieu acho bi

Wüu töif i mim Herz
Han i immer gwösst wär i be
Ond i be Stoutz druf
No geng e Buuregiel z'sii
Töif i mim Herz
Bin i nie öpis angers gsi
Ond i bi Stoutz druf
No geng e Buuregiel z′sii

Be uf d'Wäut cho ufem Buurehof
Imne chline Dorf im Berner Seeland