Brennnesselfeld Songtext
von Fuadadeimuada

Ziag da wos o, noch da Hitzn kummt a Weda
Jeder oide Stiefe griagt an Riss im Leder
Hob dei Freid, sogt d′Muada zum Bubi
Noch'm Summertime Blues kummt da Winter Boogie Woogie

Grei die Wunden nimmer auf, mogs die no so jucka
Die taunosse Wiesen is am Nachmidog drucka
Kumm erstmoi richtig wieder und dann konnst geh
Dei Stimm is so weit weg, i konn die lang scho nimma gscheit vasteh

Und jetz steh i do mit da Sast in da Händ
G′spiah wia ma d'Sunn as Gnack vabrennt
Uns trennt scho lang a ganze Welt
Kumm, lauf ma boafuaß durchs Brennnesselfeld


Sei ma ned bäs, aber lang bleib i nimma
Scherben auf'm Boden und Wepsen im Zimmer
Bubi, sogt da Bap, hau die Brennnesseln nieder
Die san scho sauba z′ hoch, du sigst ja fast scho nimma drüber

Und jetzt steh i wieder do und trau mi ned mahn
Ganz egal wie hochs scho san
Du host ma so oft zoagt wos zäid
No oamoi boafuaß durchs Brennnesselfeld

Und d′Welt draht se weider, kumm bleim ma steh
Nur no a Weng, dann kemma geh
Ziang ma d'Schua aus, woat ma ned
Weil wer woaß wia lang′s no geht
Red di ned raus, weil des ned gäit
No oamoi boafuaß durchs Brennnesselfeld