Exil Songtext
von Barrut

Luenh es ma terra ara soi triste coma un ventre vueg de femna
Ai tant marchat que mos pes son de peira
Ai tant plorat que mos uelhs son ribieira

Quitar maire sabla sentor del primier lach
Quitar mon aire mon aiga seriá un peril mai fat

Luenh es ma terra
Cerqui dins cada vanela l′emprenta familiera mas
Tot n'es qu′inconegut vast e sens nom
Mos senses dessecats m'an abandonat


Luenh es ma terra
Canti reculhida lo temps passat
La votz de las maires ressona dins mon arma
Dona rason e força a cada pas novel

Quitar maire sabla sentor del primier lach
Quitar mon aire mon aiga seriá un peril mai fat

Luenh es mon cel
D'avant demòran las estelas escantidas
Al clar de cada luna nostalgia d′aicí
A l′ombra de cada jor peril d'ailà

Luenh son mos fraires
Las ombras estiman mon englasi pesan la dolor ier vesin e amic
Exotica escapada ara langasta sansuga pas mai qu′una niera

Quitar maire sabla sentor del primier lach
Quitar mon aire mon aiga seriá un peril mai fat