Olive Songtext
von Tomazobi

Was unterscheidet d′Spanier vom Schimpans?
S'isch nid z Bruschthaar, nid dr Flamenco-Tanz
Nid z Guldchetteli, nid di churze Bei
Wüu si Olive hei

Dr Süde dä zieht vili Schwizer a
Nid wäg dr Sprach nid wüu me bade cha
Nid wüu hie d′Sunne meh schiint aus dehei
Wüu si Olive hei

S'mues ä Stei ha, s'mues ä Stei ha
Ja di Olive mues ä Stei ir Mitti ha
S′mues ä Stei ha, ä brune Stei ha
De si mir Olive viu lieber jaa
Aus Schoggola

Vo Madrid bis im färne Granada
Vom Baskeland bis a d Koschta Brava
Ds Ibiza, Mallorca u sowieso
Chasch Olive becho


Was isch dr Grund das i hie nümm furtga
U z′Bärn au mini Sache la la sta
Nit d'Meiteli, dr Strand u d Summerzyt
Wüu′s Olive git

Muesch älei ga, muesch älei ga
I ha mis Billet für ä Zug i Küder ta
Muesch älei ga, ganz lei hei ga
Säg den angre Grüess vo mir si chöi de cho
Olive ha

Drum chouf i mir äs Hüsli u drnaa
Bou i Olive i mim Gärtli a
U leerä Spanisch u Flamenco o
Was chan i wünsche no?

Da einisch gsen i hingrem Gartezuun
Äs spanischs Meitschi d Schultere so bruun
Di Ouge, das vergissen i nie meh
Hei wi Olive usgseh

Bi nümm älei da, nümm älei da
Nach drüne Jahre han i se de ghürata
Mir hei Chind gha, viu schöni Chind gha
U z auerschönste isch da dra
Sie hei Olivenouge gha